7 shildede Sındao qalasynda ShYU-ǵa múshe memleketterdiń mádenıet mınıstrleriniń 22 keńesi ótti.
Keńes barysynda Qazaqstan Respýblıkasynyń Mádenıet jáne aqparat mınıstri Aıda Balaeva sóz sóılep, kezdesýdiń joǵary deńgeıde uıymdastyrylǵany úshin alǵys bildirdi. Sonymen qatar ShYU-nyń mádenı dıalogti damytýǵa jáne gýmanıtarlyq yntymaqtastyqty keńeıtýge arnalǵan halyqaralyq alańǵa aınalǵanyn da atap ótti.
«Mádenıet – bul tek ıgi dástúr emes, bolashaqty jalǵaıtyn rýhanı kópir. Biz ortaq bastamalardy neǵurlym belsendi damytsaq, ShYU memleketteriniń rýhanı birligi soǵurlym nyǵaıa túsedi», dedi A.Balaeva.
Mınıstr atap ótken mańyzdy mádenı bastamalardyń qatarynda ShYU Jastar festıvali, ShYU Jas kóshbasshylar forýmy syndy birqatar joba bar. Sonymen qatar «ShYU elderiniń rýhanı kıeli oryndary» jobasy men 2024 jyly Almaty qalasynda ShYU-ǵa múshe elderdiń mýzykalyq ujymdary qatysqan «ShYU Jibek joly» atty alǵashqy halyqaralyq mýzykalyq festıval uıymdastyryldy.
Aldaǵy perspektıvalar boıynsha mınıstr kreatıvti ındýstrııany qoldaý, týrızmdi damytý jáne mádenıetaralyq baılanysty keńeıtý baǵytynda yntymaqtastyqty jandandyrýdy usyndy. Atap aıtsaq, ShYU elderinde ótkiziletin, ulttyq qolóner sheberleri, kilem toqý, qysh sheberleri men oıý-órnek óneriniń ustalary qatysatyn kóshpeli Qolóner jáne sándik-qoldanbaly óner jármeńkesin uıymdastyrýdy usyndy.
Sonymen qatar Aıda Balaeva «ShYU mádenı murasynyń sıfrlyq platformasyn» qurý bastamasyn kóterdi. Bul platforma ShYU-ǵa múshe elderdiń vırtýaldy mýzeılerin, óner týyndylaryn, mádenı nysandar katalogtaryn jáne sala sheberleriniń beınesabaqtaryn qamtıdy.
Mınıstr Qazaqstan bul bastamalardy iske asyrýǵa, saraptamalyq jáne uıymdastyrýshylyq qoldaý kórsetýge daıyn ekenin jetkizdi. Tujyrymdama ázirlep, alǵashqy is-sharany 2026 jyly Almaty nemese Uly dalanyń rýhanı astanasy – Túrkistan qalasynda ótkizý týraly sóz qozǵady.
Keńes aıasynda ShYU-ǵa múshe memleketterdiń mádenıet mınıstrleri men Qytaı Kommýnıstik partııasy Ortalyq komıtetiniń úgit-nasıhat bóliminiń meńgerýshisi, QKP Ortalyq komıteti Saıası bıýrosynyń múshesi Lı Shýleıdiń ujymdyq kezdesýi ótti.
Is-shara barysynda Aıda Balaeva Qytaı Halyq Respýblıkasynyń Mádenıet jáne týrızm mınıstri Sýn Elımen ekijaqty kezdesý ótkizdi. Kezdesýde Qazaqstan men Qytaı arasyndaǵy mádenı yntymaqtastyqtyń ózekti máseleleri talqylandy. Taraptar yntymaqtastyqtyń jemisti jalǵasyp kele jatqanyn atap ótip, odan ári damýyna múddeli ekenin bildirdi.
Sondaı-aq mınıstr Aıda Balaeva ShYU Bas hatshysy Nurlan Ermekbaevpen ekijaqty kezdesý ótkizdi.
Budan bólek, ShYU-ǵa múshe memleketterdiń óner jáne jastar áni festıvaliniń ashylý saltanaty ótti. Is-sharanyń maqsaty – Shyǵys pen Batys arasyndaǵy mádenı baılanystardy damytý, ulttyq dástúrlerdi nasıhattaý jáne ShYU-ǵa múshe elderdiń dostyǵyn nyǵaıtý. Atalǵan festıvalge Qazaqstan atynan memlekettik «Daryn» jastar syılyǵynyń laýreattary Sadraddın Bolat pen Rýhııa Baıdúkenova qatysyp, óner kórsetti. Festıvaldiń ashylý saltanaty jastar án keshi formatynda ótip, ShYU elderi mádenıetteriniń áralýandyǵyn kórsetýge arnaldy.