Bashqurtstannyń Ulttyq mýzeıinde «Áziret Sultan» Ulttyq tarıhı-mádenı mýzeı-qoryǵy usynǵan «Kóne Túrkistan jáne Iаsaýı murasy» taqyrybyndaǵy halyqaralyq kórmeniń saltanatty ashylýy ótti, dep jazady Egemen.kz.
Ekspozısııada Uly Jibek jolyndaǵy basty ortalyq – ejelgi Túrkistan tarıhymen baılanysty biregeı arheologııalyq oljalar men mádenı jádigerler tanystyryldy. Búkil túrki áleminiń rýhanı mádenıetine tereń áser etken XII ǵasyrdyń kórnekti fılosofy, aqyn, oıshyl Qoja Ahmet Iаsaýı ómiri men murasyna erekshe nazar aýdaryldy.
Memleket basshysynyń Qoja Ahmet Iаsaýı murasyn nasıhattaý jónindegi tapsyrmasyna sáıkes uıymdastyrylǵan kórmede Mádenıet jáne aqparat mınıstrliginiń qoldaýymen sırek jádigerler qoıyldy.
Atap aıtsaq, Túrkistan oazısiniń qalashyqtary men qorǵandarynan tabylǵan sırek kezdesetin zattar, Qoja Ahmet Iаsaýı men onyń izbasarlarynyń qoljazba eńbekteri, Ámir Temirdiń buıryǵymen salynǵan Qoja Ahmet Iаsaýı kesenesiniń beınesin sýretteıtin sáýlet elementteri, fotomaterıaldar, ortaǵasyrlyq nýmızmatıkalyq jádigerler men qysh buıymdar usynyldy.
Sondaı-aq kelgen kórermen Iаsaýı iliminiń Edil men Jaıyq musylmandaryna, onyń ishinde qazirgi Bashqurtstan aýmaǵyndaǵy kesenede jerlengen XIV ǵasyrdaǵy qazy, rýhanı kósem Hýseın-bekke áseri týraly málimetke qanyq bola alady.