Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Qýanysh Sultanovtyń Oslodaǵy Beıbitshilik jáne adam quqyǵy ortalyǵy prezıdentiniń keńesshisi Alf Hansen Ogemen kezdesýinde Qazaqstan men osy uıymnyń yntymaqtastyǵyn odan ári nyǵaıtý máseleleri talqylandy.
Kezdesý barysynda Q.Sultanov Ortalyq jumysynyń halyqaralyq deńgeıdegi toleranttylyq qaǵıdalaryn odan ári ilgeriletý jáne senim men yntymaqtastyq turǵysyndaǵy únqatysýdy nyǵaıtý jaıyndaǵy oılaryn ortaǵa saldy.
A.H.Oge toleranttylyq pen dinaralyq únqatysýdy damytýdaǵy Qazaqstannyń qomaqty úlesin atap óte kelip, adam quqyn nyǵaıtý, qorǵaý jáne qoldaý jónindegi birlesken jumystardy jalǵastyrýǵa Ortalyqtyń ázirligin jetkizdi, dep habarlady Parlament Senatynyń baspasóz qyzmeti.