«Azyq-túlik kelisimshart korporasııasy» UK» AQ 2024 jyldyń jazynda ornalastyrylǵan qysqa merzimdi oblıgasııalar boıynsha tólemderdi aıaqtady. О́tem jalpy somasy 14 mlrd teńgeni qurady, onyń 13 mıllıardy - negizgi qaryz, taǵy 1 mıllıardy - kýpondyq syıaqy, dep jazady Egemen.kz.
«Qysqa merzimdi oblıgasııalardy paıdalaný bizdiń astyq treıderi retindegi qyzmetimizdiń aınalym sıkline sáıkes keledi, sondaı-aq Ulttyq banktiń bazalyq mólsherlemesi jáne boryshtyq naryqtyń naryqtyq mólsherlemesi tómendegen jaǵdaıda kýpon boıynsha shyǵystardy ońtaılandyrýǵa múmkindik beredi. Mundaı qarjy quraly óziniń joǵary ótimdiliginiń arqasynda ınvestorlar úshin tartymdy», dedi basqarýshy dırektor, «Azyq-túlik kelisimshart korporasııasy» UK» AQ Ildar Ismagýlov.
Tartylǵan qarajat astyqpen operasııalar júrgizý úshin aınalym kapıtalyn tolyqtyrýǵa baǵyttaldy. Sondaı-aq aýyl sharýashylyǵy óndirýshilerin forvardtyq qarjylandyrý úshin ishinara paıdalanyldy.
Tólemder aıaqtalǵannan keıin korporasııanyń qaryz júktemesiniń deńgeıi yńǵaıly mánge deıin tómendedi - qarjylyq leveredj koeffısıenti 1-den azdy qurady.
Azyq-túlik kelisimshart korporasııasy Qazaqstannyń agroónerkásiptik keshenine, onyń ishinde qarjy quraldarynyń keń spektrin qoldaný esebinen júıeli qoldaý kórsete otyryp, turaqty damý strategııasyn ustanýdy jalǵastyryp jatyr.