Qazaqstan Respýblıkasy Prezıdenti Ákimshiliginiń komıssııasy Almaty qalasyndaǵy «Baǵanashyl» balalar úıiniń qyzmetine qatysty jaǵdaıǵa baılanysty jan-jaqty jáne obektıvti qyzmettik tergeý júrgizý maqsatynda atalǵan mekemege bardy, dep habarlaıdy Egemen.kz.
Komıssııa músheleri balalar úıiniń tárbıelenýshilerimen, basshylyǵymen, qyzmetkerlerimen jáne bilim berý júıesiniń ókilderimen kezdesti.
Tekserý barysynda Prezıdent Ákimshiliginiń ókilderi mekemedegi tárbıelenýshilerdiń turý jáne oqý jaǵdaıymen tanysyp, balalar úıiniń ınfraqurylym nysandaryn aralaǵan. Qazirgi ýaqytta mekemeni kóshirý týraly sheshimge baılanysty qujattardy jınaý jáne taldaý jumystary júrip jatyr.
Balalar úıindegi jetim jáne ata-anasynyń qamqorlyǵynsyz qalǵan balalarǵa qatysty áleýmettik jáne quqyqtyq kepildikterdiń saqtalýyna erekshe nazar aýdarylatyn bolady.
Aıta keteıik, tekserý jumystary balalardyń quqyqtary men múddelerin qorǵaý basymdyǵy negizinde júrgizilip jatyr.