30 maýsymda Qazaqstan Respýblıkasynyń Úndistandaǵy elshisi Dýlat Qýanyshev osy el Prezıdentiniń saraıynda Prezıdent Pratıbhe Patıl hanymǵa senim gramotasyn tapsyrdy, dep habarlady QR SIM-iniń baspasóz qyzmeti.
Resmı saltanat barysynda Indııa Prezıdenti P.Patıl 2009 jyly Indııa Respýblıkasynyń kúnine basty qurmetti qonaq bolyp kelgen Prezıdent N.Nazarbaevtyń memlekettik saparynda negizi qalanǵan eki eldiń strategııalyq yntymaqtastyǵynyń damýy men nyǵaıýyna múddeli ekendigin atap ótti. Sonymen qatar, P.Patıl ShYU jáne AО́SShK sekildi halyqaralyq uıymdar sheńberindegi áriptestiktiń arta túskenine de rızashylyǵyn bildirdi.
О́z kezeginde D.Qýanyshev Indııa Prezıdentin Qazaqstannyń saıası, ekonomıkalyq jáne áleýmettik salalaryndaǵy, sonymen qatar, Qazaqstan Respýblıkasynyń EQYU-daǵy tóraǵasy retinde jasap jatqan sharalarynan habardar etti.
Ekonomıkalyq yntymaqtastyq taqyrybyn qozǵaı otyryp, Indııa Prezıdenti Qazaqstan dıpmıssııasy basshysynyń ózara ınvestısııalardy tartýdyń qarqynyn belsendi ete túsý qajet degen pikirimen kelisti.
Sondaı-aq, áńgime barysynda P.Patıl Astana kúniniń toılanýyna baılanysty qyzyǵýshylyq tanytty.