Shymkentte áleýmettik mańyzy bar azyq-túlik baǵasyna júrgizilgen monıtorıng nátıjesinde jyl basynan beri 200-den astam kásipker ákimshilik jaýapkershilikke tartyldy, dep habarlaıdy Egemen.kz.
Qalalyq ákimdiktiń málimetinshe, olardyń ishinde 15 satýshy et baǵasyn negizsiz kótergen.
– Aıta ketý kerek, sıyr eti (jaýyryn-tós bóligi) áleýmettik mańyzy bar 19 azyq-túlik tizimine kiredi jáne onyń baǵasy turaqty baqylaýda, – dedi qalalyq aýyl sharýashylyǵy basqarmasy.
Basqarma basshysy Talǵat Mekambaevtyń aıtýynsha, Shymkentte shamamen 60 áleýmettik saýda núktesi jumys isteıdi. Sonymen qatar, qalada apta saıyn aýyl sharýashylyǵy jármeńkeleri uıymdastyrylyp, onda sıyr eti 3200-3300 teńge aralyǵynda turaqty baǵamen satylady.
Al taza et baǵasy retteletin taýarlar tizimine kirmeıdi.