QOSTANAI. 5 tamyz. Reseıdiń Chelıabi oblysy Ývelskıı aýdanynda Hyundai H1 men VAZ-2108 avtokólikteri soqtyǵysyp, eki kóliktiń de júrgizýshileri oqıǵa ornynda qaza tapty. Bul týraly alau.kz saıtyna silteme jasaǵan egemen.kz tilshisi habarlady.
Mıkroavtobýstaǵy 18 jastaǵy jolaýshy qyz túrli jaraqatpen Iýjneýralsk qalalyq aýrýhanasyna tústi.
Jol apaty Chelıabi-Troısk tas jolynyń 70-shaqyrymynda tirkeldi. Chelıabi oblystyq ishki ister mınıstrligi baspasóz qyzmetiniń habarlaýynsha, qazaqstandyq mıkroavtobýstyń 60 jastaǵy júrgizýshisi qarsy betke shyǵyp ketip, 31 jastaǵy reseılik basqaryp kele jatqan VAZ-2108 kóligine soqtyǵysqan. Soqqynyń kúshtiligi sondaı VAZ-2108 mashınasy búktelip qaldy, mıkroavtobýs baǵytyn ózgertip, jol shetine shyǵyp aýnap túsken.
Názıra Járimbetova.
Derek, sýret: alau.kz.