2019 jyldan beri Astana qalasy ákimdigi janynda elimizdegi alǵashqy «Januıa» otbasy ınstıtýtyn qoldaý ortalyǵy jumys jasap keledi. Baıypty qurylym ózge óńirlerde osyndaı úlgini odan ári taratý úshin modeldik alańǵa aınaldy. Ortalyq tájirıbesiniń arqasynda elimiz kóleminde otbasyn qoldaıtyn osyndaı 116 mekeme ashyldy.
Otbasyn qoldaý ortalyqtary turǵyndarǵa quqyqtyq, psıhologııalyq kómek kórsetedi. Sondaı-aq «Neke jáne erli-zaıyptylyq týraly» Kodekske sáıkes ómirlik qıyn jaǵdaıǵa tap bolǵan adamdardy (otbasylardy) erte anyqtaý, qoldaý kórsetýdi uıymdastyrý jónindegi mobıldi toptardyń uıymdastyrýshysy bolyp sanalady. Sonymen qatar, áleýmettik qyzmetter portalynda múgedekterge ońaltý ónimderi men qyzmetterin alýǵa ótinishterdi toltyrýda konsýltasııa berý, kómek kórsetýdi uıymdastyrady.
Memleket basshysynyń tapsyrmasymen 2023 jylǵy 1 qańtardan bastap otbasynyń sandyq kartasy iske qosylǵan, ol otbasylardyń (adamdardyń) tizimin olardyń áleýmettik ál-aýqatynyń deńgeıi boıynsha qalyptastyrýǵa, segmentteýge múmkindik beredi.
О́tken jyly «Januıa» ortalyǵy 41 myńnan astam adamdy qabyldap, bas-aıaǵy 44 myńnan astam ótinish tirkedi. Eń suranysqa ıe baǵyttar – jumyspen qamtý, járdemaqylardy resimdeý, zańgerlik, psıhologııalyq kómek máseleleri boıynsha konsýltasııalar.
Qaıyrymdylyq qorlary arqyly 2 051 otbasyna ataýly kómek kórsetildi. О́mirlik qıyn jaǵdaıǵa tap bolǵan otbasylardyń, mamandar men ÚEU-nyń qatysýymen 64 is-shara ótkizildi. О́tken jyly 170 otbasy áleýmettik qamqorlyqqa alyndy. Búginde 83 otbasy qoldaý arqasynda olar qıyn jaǵdaıdan shyǵyp, ómirlerin qalpyna keltire aldy.
2025 jyldyń basynan quramynda 670 adam bar 142 otbasy turaqty qoldaýǵa ıe. Bul otbasylar psıhologııalyq, quqyqtyq qoldaýdy, sondaı-aq jumysqa ornalasýǵa qoldaý kórsetýdi eseptegende, jan-jaqty kómek alýdy jalǵastyryp jatyr.