Oblystyq ólketaný mýzeıinde “Qaıtalanbas tutastyq” atty baıqaý-kórme uıymdastyryldy. Bul shara kórme ǵana emes, jarysqa negizdelýimen de kórermenge qyzyqty boldy. Oǵan oblys aýdan, qalalarynan toǵyz mýzeı qatysty. Oblystyq tarıhı-ólketaný mýzeıi men oblystyq mádenıet basqarmasy osyndaı sharalar arqyly murajaılardaǵy qorlardyń múmkindigin tolyq asha otyryp, búgingi kórermen sanasynda halqymyzdyń, ólkeniń tarıhyn jańǵyrtýdy basty maqsat tutypty. Baıqaýǵa qatysqan mýzeıler túrli taqyrypta jobalar uıymdastyrdy. Qazylar alqasy olardy “Eń kóne buıym”, “Jıyndyqtardyń alýan túrliligi”, “Jıyntyq túıini”, “Bilim beretin murajaılyq ınnovasııalyq baǵdarlamalar” sııaqty birneshe atalym arqyly tarazylady.
Mysaly, Arqalyq qalasyndaǵy Dala tarıhynyń mýzeıi baıqaýǵa jalǵyz sáýkelemen ǵana qatysty. Jangeldın aýdandyq tarıhı-ólketaný mýzeıi Mirjaqyp Dýlatovtyń ómirbaıanyna qatysty 105 fotosýrettiń 35-in osy baıqaý-kórmege usyndy. Rýdnyı qalalyq mýzeıi “Nıl Sorskıı. Jádiger ne týraly syr shertedi?” jobasyn “Eń kóne buıym nomınasııasyna yńǵaılapty.
– Mýzeılerde myńdaǵan jádigerler saqtaýly. Al olardy tek qorda saqtap ǵana qoımaı, kórermenge múmkindiginshe usynyp, olarǵa kórsetip otyrý kerek. Jasyratyny joq, qazir bul mádenıet oshaqtaryna adamdar jıi bas suǵa bermeıdi. Jádigerler – týǵan ólke men halqymyz tarıhynyń kýágerleri. О́tkendi bilmeı biz jastar boıyna patrıotızm sezimin de qalyptastyra almaımyz. Sondyqtan ýaqyt sabaqtastyǵyn qamtamasyz etetin mýzeıge kórermen tartý úshin biz únemi izdenis ústindemiz. Bul shara da sol izdenisten týǵan jumystardyń biri ǵana,–deıdi oblystyq-tarıhı ólketaný mýzeıi dırektorynyń orynbasary Galına Satalkına.
Kórme-baıqaýǵa kópshilikti jınaı bilgen mýzeı qyzmetkerleriniń eńbegi de aıtýǵa turarlyq. Qazylar alqasy mýzeılerdiń tanymdyq-tarıhı jobalaryn qaraı kele, birinshi oryndy Arqalyq qalasyndaǵy Dala tarıhy mýzeıine berdi. Ekinshi oryndy Altynsarınniń memorıaldyq mýzeıi, úshinshi júldeni Jangeldın aýdanyndaǵy mýzeıler kesheni ıelendi.
Názıra JÁRIMBETOVA.
QOSTANAI.