TALDYQORǴAN. Almaty oblysynda HV Ile-Balqash regatasy bıyl da qalyptasqan dástúrdi saqtap, Tańbaly tas shatqalynan bastaldy. Bul týraly egemen.kz tilshisi habarlady.
Ýaqyt aǵymyna saı san túrli sý qaıyqtaryna mingen sportshylar Ile ózenin boılaı Balqash kólin betke aldy. Irkes-tirkes jarysqa túsken 30 komandada naǵyz saıypqyrandar jınalypty.
Bul sharanyń negizgi maqsaty - qorshaǵan ortany qorǵaý bolyp tabylady. Sóıtip, jer jannaty Jetisý óńirindegi Altynemel ulttyq tabıǵat baǵy aýmaǵynda jatqan Aıǵaıqum (ánshi qum) syndy tańǵajaıyp tamasha tabıǵat tartýlaryn kóre 900 shaqyrymnan astam jer júrip ótpek. Tabıǵat janashyrlary Ile ózenin boılaı júzgende san myńdaǵan ıilimderdi súze otyryp, zańsyz balyq aýlaýshylarǵa tyıym salatyny da bar. Álbette qalyń qamystyń arasyndaǵy jyrtqysh ańdardy da qorǵaý nazardan tys qalmaıdy.
30 sáýirde Qapshaǵaı kóliniń jaǵalaýyna myńdaǵan almatylyqtar arnaıy kelip shyǵaryp salǵan saıahatshylar osy jyldyń 31 mamyrynda márege jetedi dep josparlanǵan. Jeńimpazdar sol kúni belgili bolady.
Nurbol Áldibaev.
Derek, sýret: egemen.kz