7 tamyzda AQSh-tyń Norvýd qalasynda mánerlep syrǵanaýdan «ISU Cranberry Cup International 2025» týrnıri bastalady, dep habarlaıdy Egemen.kz.
Osy sport túriniń juldyzdary jınalatyn jarysta Qazaqstannyń týy astynda Sofıa Samodelkına óner kórsetedi.
18 jasar sportshy bıyl Týrınde alaýy tutanǵan Dúnıejúzilik Ýnıversıadada qola medaldi ıelenip, óziniń mansabyndaǵy eń zor ataqqa qol jetkizdi. Oǵan deıin birqatar halyqaralyq týrnırlerde tabysqa jetti. Byltyr áıelder arasyndaǵy qysqy Qazaqstan chempıonatynda top jardy. Al álem chempıonatyn Sofıa 14 orynmen qorytyndylap, kelesi jyly ótetin Olımpııa oıyndarynyń lısenzııasyna ıelik etti.
Norvýdta Sofıa Samodelkına jeńis tuǵyryna kóterilýdi kózdep otyr. Erteń bastalatyn bul jarys 9 tamyzda óz máresine jetedi.