Zańsyz aktıvterdi qaıtarý, ony halyq ıgiligine berý jáne qaıta satý arqyly túsken qarjyny memlekettik múddege jaratý isi jalǵasyn taýyp keledi. Jýyrda «Qaıtarylǵan aktıvterdi basqarý kompanııasy» JShS E-Qazyna veb-platformasynda baǵany kóterý arqyly elektrondyq aýksıon ótkiziletinin habarlady.
Jer ýchaskelerin satý aýksıony aldaǵy 20 tamyz kúni ótedi. Bul joly Almaty oblysynda ornalasqan 5 jer ýchaskesi saýda-sattyqqa shyǵarylady. Lottardyń jalpy bastapqy quny 851 215 517 teńgeni qurap otyr.
Saýda onlaın-formatta ótetindikten bul ádis elimizdiń kez kelgen azamatyna kez kelgen jerden qatysýǵa múmkindik beredi. Bir aıta keterligi, qaıtarylǵan aktıvterdi basqarý kompanııasy barlyq úderisterdiń ashyqtyǵyn qamtamasyz etip otyr jáne aktıvter týraly tolyq aqparatty, sonyń ishinde sıpattamasy men baǵalaý qunyn ashyq jarııalaıdy. Al aýksıonǵa qatysý sharttaryn E-Qazyna platformasynan taba alasyz.
Sondaı-aq «Qaıtarylǵan aktıvterdi basqarý kompanııasy» JShS 2025 jylǵy 30 jáne 31 shilde kúnderi E-Qazyna elektrondyq platformasynda ótken aýksıondyq saýdalardyń sátti aıaqtalǵanyn da habarlady.
«Saýda-sattyq barysynda 14 eksklıýzıv qolsaǵaty jáne «Bata», «Betashar», «Súıindir» kolleksııalyq monetalary satyldy. Jalpy mámile somasy 117 680 040 teńgeni qurady.
Saýda-sattyq barlyq qatysýshy úshin teń qoljetimdilikti qamtamasyz etetin ashyq ári ashyq ádis aıasynda ótti. Saýdanyń elektrondyq formaty ashyqtyqty arttyryp, úderiske ádiletsiz jolmen aralasý múmkindigin boldyrmaıdy», delingen kompanııanyń resmı habarlamasynda.
Kompanııanyń baspasóz qyzmeti málimdegendeı, satylym aldyndaǵy daıyndyqtyń da erekshe nazar aýdararlyq tustary bolǵan eken. Sebebi ol aktıvterdiń sátti satylýynda sheshýshi ról atqarǵan.
«Barlyq saǵat buryn paıdalanylǵanyna qaramastan, satylym aldyndaǵy sapaly daıyndyq olardyń aýksıonda tıimdi baǵada usynylýyna múmkindik berdi. Nátıjesinde, satyp alýshylar saǵattardyń jaı-kúıi men qundylyǵyn joǵary baǵalady.
Aýksıon qorytyndysy boıynsha 14 qolsaǵat jalpy 117,6 mln teńgege satyldy, al bastapqy baǵasy 102,5 mln teńgeni qurady. Qun ósimi 14,7% boldy, bul kompanııanyń aktıvterdi satý jónindegi strategııasynyń tıimdiligin aıqyn kórsetedi», deıdi «Qaıtarylǵan aktıvterdi basqarý kompanııasynyń» bas dırektory Qýanyshbek Muqash.
Belgilengen tártipke sáıkes, saýda aıaqtalǵannan keıin 10 jumys kúni ishinde jeńimpaz ben satýshy arasynda satyp alý-satý sharty jasalady. Aktıv jeńimpazǵa tek shart talaptaryna saı aqshalaı qarajattyń tolyq kólemi satýshynyń shotyna túskennen keıin ǵana beriledi.
Satylymnan túsken qarajat Arnaıy memlekettik qorǵa aýdarylady. Bul qordyń qarajaty bilim berý, densaýlyq saqtaý, ınfraqurylym jáne áleýmettik osal toptardy qoldaý sııaqty áleýmettik mańyzdy jobalardy qarjylandyrýǵa baǵyttalady. Al qaıtarylǵan aktıvterdi satýmen aınalysatyn «Qaıtarylǵan aktıvterdi basqarý kompanııasy» JShS-niń qyzmeti aktıvterdiń memleketke qaıtarylýynyń tıimdiligin, ashyqtyǵyn jáne qoǵamǵa paıda ákelýin qamtamasyz etýge baǵyttalyp otyr.