Eger Almaty qalasyndaǵy aq halatty abzal jandardyń bir kúngi tynys-tirshiligin alar bolsaq, 35 myńnan astam adamǵa alǵashqy medıko-sanıtarlyq kómek pen 1500-ge deıin jedel medısınalyq járdem kórsetilip, 30 myńnan astam dıagnostıkalyq zertteý, 6 myńdaı naýqasty emdeý jáne olarǵa jedel terapııalyq kómek kórsetip, sondaı-aq, 300-den astam kúrdeli hırýrgııalyq operasııa jasalyp, 70-ten astam anany bosandyryp alady eken. Iаǵnı, bul elimizdiń iri megapolısinde ár mınót saıyn adam ómirimen arpalysyp, olardyń ǵumyryn saqtaýǵa kúsh-qaırattaryn jumsaǵan densaýlyq saqtaý kúzetindegi dárigerler qaýymynyń kúndelikti eńbegi.
Aq halatty abzal jandardyń osyndaı jankeshti eńbegin eskergen qala ákimi Ahmetjan Esimov medısına qyzmetkerleri kúni densaýlyq saqtaý isine qosqan úlesi úshin birqatar dárigerlerdiń keýdesine tósbelgi taǵyp, maqtaý qaǵazdarymen marapattap, úsh adamǵa páter kiltin tabys etti.
Gúlzeınep SÁDIRQYZY.