Qyzylorda oblysynyń ákimi uly aqyn, kemeńger oıshyl, qazaq halqynyń rýhanı shamshyraǵy Abaı Qunanbaıulynyń 180 jyldyq mereıtoıyna oraı jerlesterin quttyqtady.
«Qurmetti jerlester!
Sizderdi uly aqyn, kemeńger oıshyl, halqymyzdyń rýhanı shamshyraǵy — Abaı Qunanbaıulynyń 180 jyldyq mereıtoıymen shyn júrekten quttyqtaımyn!
Abaı – qazaq ultynyń ar-ojdany, sóz óneriniń shyńy, adamgershilik pen parasattylyqtyń sımvoly. Onyń murasy – máńgilik. Abaıdyń árbir óleńi men qara sózi – ultty uıystyratyn, adamzatty bıik maqsattarǵa jeteleıtin rýhanı qazyna.
Búgingi urpaq Abaı iliminen ónege alyp, onyń rýhanı murasyn jańǵyrtý arqyly eldik sanany kúsheıtip keledi. Bul – Abaıǵa degen shynaıy qurmettiń belgisi.
Osy aıtýly kúnde barshańyzǵa densaýlyq, bereke, tatýlyq jáne Abaı amanatyna adaldyq tileımin. Uly Abaıdyń sózi – júregimizde, rýhy – halqymen birge máńgi jasaıdy!», – delingen quttyqtaýda.