«Mongol Rally» О́skemende márege jetti

Bul marafon 13 shil­dede Che­hııa astanasy Pragadan bas­tal­ǵan. Qatysýshylar bir jarym aı ishinde Aýstrııa, Majarstan, Túrkııa, Grýzııa, Ázerbaı­jan jáne Ortalyq Azııanyń birneshe elin kesip ótti. Sóı­tip, Shyǵysqa jetip, taban tire­gen. Aıta keterligi, munda qara­paıym shaǵyn kólik­ter jarys jolyna shyqqan. Qatysý­shylar tek eski ári kólemi shaǵyn kólikpen jolǵa shyǵýǵa tıis edi. Baǵyt bireý bolǵanymen, jetý jolyn árkim ózi tańdady.

– Bizdiń kólik 1998 jyl­ǵy. Biz ony jolǵa ábden da­ıyndadyq. Sonyń ózinde túr­li qıyndyq boldy. Qan­shama qalany basyp óttik. Baı­qaǵanymyz, Qazaqstan erekshe áser qaldyrdy. Tabı­ǵaty ásem, hal­qy óte meıirimdi. Maǵan as mázirleri qatty unady, – deıdi nıderlandyq qatysýshy Maks Brıman.

Eske salsaq, mundaı jarys má­resi О́skemende ekinshi ret uıymdastyryldy. Bıylǵy doda­ǵa otyzdan astam elden júz se­giz komanda qatysty. Olar­­dyń ishin­de Nıder­land, AQSh, Uly­brıtanııa, Kana­da, tipti muhıt asyp, Aýstra­lııa­­dan da kelgender bar. Jarys jo­­lyna erlermen úzeńgi qa­ǵys­­­tyra názik jandylar da shyqty.

Sonyń biri – AQSh namysyn qorǵap, saıahatqa shyqqan Moreı Medıson. Mamandyǵy – balabaqsha tárbıeshisi. Kún­delikti kúıbeń tirshilikten sál úzilis qajet bolǵan soń osynaý saparǵa shyqqan.

– Qazaqstanǵa alǵash ke­lýim. Meniń saıahatymdaǵy 32-el. Ásirese Astana qalasy qat­ty áser qaldyrdy. Jolda kóli­gimiz birneshe ret buzyl­dy. Biraq qazaq­standyqtar kó­mek­testi. Jolaı ushyras­­qan eva­kýator júrgizýshisi ­biz­­di alys­taǵy qalaǵa tegin jet­kiz­di. Qazaq­stan júregimde máńgi qala­dy. Al Astanaǵa mindet­ti túrde qaıta oralamyn, – dedi Moreı Medıson.

«Mongol Rally» qatysýshy­laryn óskemendikter qushaq jaıa qarsy alyp, zor qur­met kórsetti. Oblys basshysy Nurym­­bet Saqtaǵanov ta sha­raǵa arnaıy kelip, saıahat­shylar­dy quttyqtady.

О́skemen