Kásipker

Aýyldastaryna monsha salyp berdi. Endigi oıy – tehnıkalyq qyzmet kórsetý stansasy men qurylys sehyn ashý  Báıterek aýylynyń tur­ǵyndary endi monsha izdep, alysqa sabylmaıtyn boldy. «Kóshi-qon» baǵdarlamasy boıynsha Reseıden osynda kóship kelgen jeke kásipker óz qarajatyna 20 oryndy monsha turǵyzyp berdi. El Táýelsizdigi jarııalanǵaly Qyzyljar óńirine alys-jaqyn shetelderden 7 myńǵa jýyq otbasy at­basyn burǵan eken. Solardyń biri – Janat Otynshıev. Ol osydan bes jyldaı buryn Túmen oblysynyń Golyshman aýdanynan qonys aýdardy. Atajurtqa oralysymen 4 bala tárbıelep otyrǵan kelinshegi Janar ekeýi jeke sharýa­syn birden dóńgeletip áketti. Úsh bólmeniń bir qanatyn azyq-túlik jáne turmystyq zattar satatyn dúkenge aınaldyrdy. Jalǵa alǵan jylyjaıǵa kókónis egip, mol ónim jınaǵan kezderi az emes. Eńbek dese janyp sala beretin onyń alǵa qoıǵan maqsatyna jetkenshe tynym tappaıtyn qasıeti bar. Byltyr kúzde 20 oryndy qoǵamdyq monsha salýǵa kirisken edi. Jergilikti ákimdik onyń bul nıetin qoldap, aýyl shetinen jer telimin bólýge kómektesken. Jýyrda nysandy paıdalanýǵa berip, aýyldastarynyń alǵysyna ıe boldy. Qoly epsekti azamat 700 sharshy metr aýmaqty jylytatyn turmystyq jylý qazandyǵyn ornatyp alǵannan keıin taǵy bir oıyn júzege asyrýǵa kirisken. Atap aıtqanda, tehnıkalyq qyzmet kórsetý stansasyn ashý úshin úımen japsarlas ǵımarat ázirlep, qural-jabdyqtar ornatty. Atalmysh nysandy tolyq iske qosýǵa 360 volttyq elektr qýatynyń jetimsizdigi bóget bolyp turǵan jaıy bar. Onyń endigi bir maqsaty – «Jumyspen qamtý-2020» memlekettik baǵdar­lamasy sheńberinde jeńildetilgen nesıe alý arqyly qurylys sehyn uıymdastyrý. Oǵan 10 sotyq jer telimin alyp, oryn saılap qoıdy. 270 tútini bar osydan 6 jyl buryn irgetasy qalanǵan Báı­terek eldi mekenin «oralmandar aýyly» dep te ataıdy. Mektep joqtyǵynan júzge jýyq oqýshy aýdan ortalyǵyna qatynap oqı­dy. Munda eki-úsh dúkennen basqa áleýmettik nysandardyń tapshylyǵyn eskersek, Janat sekildi jeke kásipkerlerdiń el­ge, jerge sińirip jatqan eńbegi ózgeler úırenýge turarlyq ónegeli úrdis der edik. О́mir ESQALI, «Egemen Qazaqstan». Soltústik Qazaqstan oblysy, Qyzyljar aýdany. sýret: http://medya.todayszaman.com