Rýhty ánder shyrqaldy

Kesh ıesiniń esimi jurt­shy­lyqqa el súıip tyń­daıtyn ánderge jazǵan óleń­derimen belgili. Búginge deıin aqyn 300-den asa dástúrli, estradalyq, klas­sıkalyq shyǵarmalardyń mátini men 50-ge jýyq ánniń sózin jazǵan. Birneshe jyr jınaǵy jaryq kórgen. Osy týyndylardyń birqatary kesh barysynda oryndaldy. Ásirese avtor­dyń «Áskerı kerneı», «Jumaq meken», «Jalǵyz sát», «Raıymbek batyr», «Qazaqstanym – Otanym meniń», «Ofıser myrzalar», «Eldiń qorǵany», «Abylaı han», taǵy basqa da patrıottyq ánderi tyńdarman rýhyn kóterdi. Bul konserttiń bir erek­she­ligi – alǵash ret «Qazaqkonsert» ártis­teri men Qazaqstan Qarýly kúshteri qura­myndaǵy ónerpazdar birlesip óner kórsetti.

Sondaı-aq konsert «kórigin» Qazaq­stannyń eńbek sińirgen qaıratkerleri Qurmash Mahan, Klara Tólenbaeva, Nur­bolat Arzamas, «Daryn» Mem­lekettik jastar syılyǵynyń laýreaty Álibek Almadıev, respýblıkalyq jáne halyqaralyq baıqaýlardyń laý­reattary Aıbek Ábdiashımov, Bir­jan Aıtahmet, Aıdos Sanııazbek, Ibra­hım Ámın sekildi belgili ánshiler qyz­dyra tústi. Olar E.Tilepberdıevtiń sózine jazylǵan ánderdi naqyshyna kel­tirip shyrqady. «Astana Musical» mem­lekettik mıýzıkl teatrynyń jas óner­pazdary aqyn óleńderin oqy­dy. «Astana sazy» memlekettik fol­k­lorlyq ansambli, «Gúlder» jáne «Birlik» ansamblderi, «Halyq qazy­nasy» ulttyq óner ortalyǵy ártis­teri­niń óneri de kópshilik kóńilinen shyqty.

Sonymen qatar keshke Qorǵanys mınıstrligi Qarýly kúshteriniń Ult­tyq áskerı-patrıottyq ortalyǵy, Ult­tyq ulannyń án-bı ansambliniń so­lısteri, «Erler» hory jáne áskerı or­kestri, Memlekettik kúzet qyzmeti or­kestri, UQK Shekarashylar qyzmeti án-bı ansambliniń jáne Ulttyq del­fıı oıyndarynyń jeńimpazdary qatysty.

Azat ESEN