О́tken 11 tamyzdan bastap elektrondyq sıfrlyq qoltańba (ESQ) kiltterin alý tártibi ózgerdi. Buǵan deıin jurtshylyq ESQ kiltterin onlaın ne bolmasa halyqqa qyzmet kórsetý ortalyǵyna (HQKO) baryp alatyn. Endi bul qyzmet tolyqtaı onlaın formatqa kóshti. HQKO-ǵa júginý tek bıometrııalyq sáıkestendirý júıesi tulǵany rastaı almaǵan jaǵdaıda ǵana múmkin bolady.
ESQ kiltterin alýǵa paıdalanýshy eGov.kz» portalynda nemese Ulttyq kýálandyrýshy ortalyqtyń «pki.gov.kz» saıtynda ótinim berip, bet-álpetti taný júıesi arqyly bıometrııalyq sáıkestendirýden ótýi qajet. Bıometrııa sátti ótkende ESQ kiltterin onlaın alasyz. Al eger júıe sáıkestendirýdi oryndaı almasa – mysaly, bazada fotosýret bolmaǵan jaǵdaıda ne tehnıkalyq aqaý týyndasa – paıdalanýshynyń qaıtalaý múmkindigi bar. Qysqasy, bıometrııalyq tekseristen bes ret óte alasyz. Osydan keıin ǵana HQKO arqyly ESQ alýǵa ótinim berýge jáne operator arqyly jeke basyn rastaýǵa jol ashylady. Eń mańyzdysy – bıometrııadan ótpeı HQKO-ǵa ótinim berý múmkin emes. Operator JSN boıynsha aqparatty tekseredi. Sondaı-aq ınternetke nemese kompıýterge qoljetimdiligi joq azamattarǵa HQKO-daǵy óz-ózine qyzmet kórsetý aımaqtarynda bıometrııadan ótý múmkindigi qarastyrylǵan. Eger paıdalanýshy sol jerde sáıkestendirýden sátti ótse, kiltti onlaın alady.
Azat ESEN