Qostanaı óńirindegi qylmystyq atqarý júıesi mekemelerinde jyl basynan beri 67 neke tirkelgen. Oblystyq qylmystyq-atqarý júıesi departamenti sottalǵandardyń otbasyn qurý jáne áleýmettik baılanystardy saqtaý quqyqtaryn qamtamasyz etý baǵytyndaǵy jumys jalǵasyp jatqanyn atap ótti, dep habarlaıdy Egemen.kz.
Jyl basynan bergi nekege turý rásimderiniń bári zańda belgilengen tártippen AHAJ organdary qyzmetkerleriniń qatysýymen jáne túzeý mekemesi ákimshiliginiń kómegimen ótken.
QAJ Departamenti ókilderiniń aıtýynsha, nekege turý quqyǵyn iske asyrý sottalǵandardyń keleshegine oń yqpal etedi. Olardyń jaza merzimin ótep shyqqannan keıin, ómirge tez beıimdelýine, eńbekke aralasýyna, otbasy jylýyn sezinip, ata-ana jaýapkershiligin moınyna artýyna tirek bolady. Sondaı-aq, olardyń jeke jaýapkershiligin qalyptastyryp, jaza óteý oryndaryndaǵy janjaldar men quqyq buzýshylyqtar deńgeıin tómendetedi.
«Bizde mundaı is-sharalar únemi ótkizilip turady. Mekeme ákimshiligi nekeni tirkeýge daıyndalýǵa jáne uıymdastyrýǵa kómektesedi. Mundaı tájirıbe adamdy qaıta tárbıeleý, túzeý úderisine oń áser etedi jáne sottalǵandardyń jazasyn ótegennen keıin qoǵamda tolyqqandy ómirge oralýyna jaǵdaı jasaıdy», dep málimdedi oblystyq QAJD-nyń baspasóz qyzmeti.
Qostanaı oblysy