Oblys ortalyǵyndaǵy páterlerdiń birinen arnaıy jabdyq pen telefon kartalary ornalasqan «ofıs» anyqtaldy, dep habarlaıdy Egemen.kz.
Belgili bolǵandaı, Pavlodar qalasynyń 30 jastaǵy turǵyny bıylǵy jyldyń 12 maýsymynan bastap SIM-box-ty paıdalanǵan. Ol Telegram messendjeri arqyly kýratordan nusqaýlar alyp otyrǵan. Er adamnyń mindetine SIM-kartalardy tirkep, keıin olardy SIM-box-qa ornatý kirgen. Atqarǵan jumysy úshin aı saıyn mobıldi qosymsha arqyly aqsha tólengen.
-Tintý barysynda tártip saqshylary 32 slotty SIM-box, MikroTik jelilik trafıkti basqarý qurylǵylaryn, uıaly telefondar men noýtbýkty tárkiledi. Atalǵan derek boıynsha polıseıler sotqa deıingi tergeýdi bastady. Kúdikti Pavlodar qalasy polısııa basqarmasy ýaqytsha ustaý ızolıatoryna qamaldy, dep habarlady Pavlodar oblysy polısııa departamenti kıberqylmystarǵa qarsy is-qımyl basqarmasynyń bastyǵy Ashat Abetjanov.
Pavlodar oblysy