Memleket basshysy Qasym-Jomart Toqaev jaqynda jarııalaǵan Joldaýynda geologııalyq barlaý jumystaryn kúsheıtý mańyzdy mindet ekenin jetkizdi. «Sıfrlyq quraldardy paıdalana otyryp, jer qoınaýynyń zamanaýı kartasyn jasaıtyn ýaqyt keldi. Mundaı qadam ken oryndarynyń áleýetin jańa sapalyq turǵydan baǵalaýǵa múmkindik beredi. Bul jumysqa da halyqaralyq sarapshylardy tartýǵa bolady. Árıne, ǵylymı negizi bolmasa, barlaý jumysyn oıdaǵydaı júrgizý múmkin emes. Kelesi jyldyń ortasyna deıin ozyq halyqaralyq standartqa saı sertıfıkaty bar zerthana ashý kerek. Ony Ulttyq geologııalyq qyzmettiń bazasynda qurǵan jón», dep aıtty.
Sátbaev ýnıversıtetiniń quramyndaǵy Q.I. Sátbaev atyndaǵy Geologııalyq ǵylymdar ınstıtýty el Prezıdentiniń geologııalyq barlaý salasyn jańǵyrtýǵa baǵyttalǵan strategııalyq bastamalaryn únemi belsendi qoldaıdy. Osy baǵyt aıasynda atalǵan ınstıtýt elimizdegi eń iri geologııalyq úlgilerdi taldaýǵa arnalǵan zerthanany qurý jobasyn iske asyryp otyr.
Geologııa – elimizdiń ekonomıkalyq damýy men ulttyq qaýipsizdigin qamtamasyz etýdegi eń mańyzdy salanyń biri. Memleket basshysynyń jańa tehnologııalardy engizý jáne paıdaly qazbalar qoryn tıimdi basqarý jónindegi tapsyrmalary sheńberinde ınstıtýt bıylǵy maýsymnan bastap halyqaralyq standartqa saı tolyq sıkldi zerthanalyq keshen salý jumysyn bastady.
Jobanyń strategııalyq mańyzy joǵary. Sondyqtan ınstıtýt senimdi ınvestorlarmen «GeoLab Eurasia» atty birlesken kásiporyn quryp, zerthanalyq keshenniń qurylysyn resmı túrde bastady. Buǵan Indýstrııa jáne qurylys mınıstrligine qarasty Geologııa komıteti, sondaı-aq Syrtqy ister mınıstrligi janyndaǵy Investısııalar komıteti tikeleı qoldaý kórsetip otyr.
Qazir Almaty qalasyndaǵy ınstıtýt aýmaǵynda zamanaýı taldaý qondyrǵylarymen jabdyqtalatyn zerthananyń alǵashqy blogi boı kóterip jatyr. Onyń ashylýy aldaǵy qarasha aıyna josparlanǵan.
Joba aıasynda barlyq zerthanalyq úderis sıfrlandyrylyp, zerthanalyq aqparatty basqarý júıesi (LIMS) engiziledi. Sonymen birge ISO/IEC 17025-2019 halyqaralyq standarty boıynsha akkredıtasııadan ótý, qyzmetkerlerdi oqytý jáne metrologııalyq kalıbrleý jumystary qamtylǵan.
Jańa zerthana geologııalyq úlgilerdi keshendi túrde zertteýdi qamtamasyz etedi. Munda úlgilerdi daıyndaý, spektrometrııalyq ádister (XRF, XRD, ICP-OES, ICP-MS jáne t.b.), hımııalyq, fızıka-mehanıkalyq, termııalyq jáne gıdrohımııalyq zertteýler júrgiziledi. Birinshi kezeńde, eki mamandandyrylǵan aspaptyq zerthana, oqý aýdıtorııalary jáne demonstrasııalyq zal ashylady.
Ekinshi kezeńde kelesi jyldyń birinshi toqsanynyń sońyna deıin Qonaev qalasyndaǵy Sátbaev ýnıversıteti polıgonynda jalpy aýdany 3 gektardy quraıtyn zerthanalyq-óndiristik keshenniń qurylysy aıaqtalady. Bul keshenge joǵary tehnologııalyq zerthanalar, óndiristik sehtar, oqý-ádistemelik bloktar, taldamalyq ortalyqtar men qoıma ınfraqurylymy kiredi.
Zerthana qyzmetkerleriniń 80%-yn ınstıtýttyń biregeı bilim men tájirıbesine ıe otandyq ǵalymdar men geologter quraıdy. Bul joba elimizdiń ǵylymı táýelsizdigin arttyryp, Ortalyq Azııadaǵy álemdik deńgeıdegi geologııalyq zertteý ortalyǵyn qalyptastyrýǵa jol ashady. Qazirgi tańda jastardyń osy mańyzdy salaǵa durys baǵyttalyp, biliktiligin jetildire otyryp, elimizdiń damýyna úles qosýy erekshe mańyzdy.
Qoryta kelgende, Q.I. Sátbaev atyndaǵy Geologııalyq ǵylymdar ınstıtýty elimizdiń strategııalyq bastamalaryn qoldap, elimizdiń geologııa salasyn jańǵyrtýǵa naqty úles qosady.
Azamat ESEN