ALMATY. 8 mamyr. Almatyda Otan qorǵaýshylar kúni merkesine oraı qala veloshabandozdary ádettegideı jarysqa shyqty. Sondaı-aq, aıtýly shara Uly Jeńistiń 70 jyldyǵy qurmetine arnaldy. Bul týraly egemen.kz habarlady.
Velojarysqa 2000-ǵa jýyq adam qatysty. Osynyń ózi qala turǵyndarynyń sporttyń bul túrine degen qyzyǵýshylyǵynyń ýaqyt ótken saıyn artyp keletinin tanytady. Jarys máresine jetken jeńimpazdarǵa estelik syılyqtar tabys etildi. Komandalyq jarys qorytyndysy boıynsha – Bas júlde Qazaq memlekettik qyzdar ýnıversıtetiniń velosıpedshilerine tabys etildi. Ekinshi oryndy – Qazaq ulttyq tehnıkalyq ýnıversıteti, úshinshi oryndy Abaı atyndaǵy pedagogıkalyq ýnıversıtettiń sportshylary jeńip aldy.
Máre basynda ótken saltanatty jıynda qala ákimi Ahmetjan Esimov: «Bul shara jastardyń aǵa urpaqtyń soǵystaǵy erlik joldaryna taǵzymy», – dep atap ótti.
Jarys sońy ónerpazdardyń dýmandy konsertine ulasty.
Talǵat Súıinbaı.
Derek, sýret: egemen.kz.