Bas prokýratýra avtokólik ıelerine baǵyttalǵan jańa kıbershabýyldan saqtanýǵa shaqyrdy, dep jazady Egemen.kz.
Quqyqtyq statıstıka jáne arnaıy esepke alý komıtetiniń málimetinshe, alaıaqtar shetelde keńinen qoldanylyp júrgen jańa tásildi paıdalana bastaǵan. Olar júrgizýshilerge elektrondy poshta men messendjerler arqyly jalǵan aıyppul qaýlylaryn joldap, azamattyń jeke derekteri men avtokólik nómirin kórsetip, «shtrafty tóleý» siltemesin qosady.
Mamandar munyń kádimgi fıshıngtik shabýyl ekenin eskertedi. Júrgizýshi bank kartasynyń derekterin engizgen jaǵdaıda, qylmyskerler shotqa tolyq qol jetkizip, qarajatty ıemdenedi. Keıbir siltemeler qurylǵyǵa vırýs júktep, jeke málimetterdi urlaýy múmkin. Mundaı jaǵdaılar AQSh pen Reseıde tirkelgen, al endi Qazaqstanǵa da taralý qaýpi bar.
Sol sebepti Bas prokýratýra tómende kórsetilgen jaıttardy esten shyǵarmaýdy tapsyrady:
Resmı habarlamalar tek 1414 qysqa nómirinen joldanady, olarda eshqashan silteme bolmaıdy;
Aıyppuldyń bar-joǵyn tek resmı resýrstardan — egov.kz, qamqor.gov.kz jáne bank qosymshalarynan tekserý qajet.
Sondyqtan vedomstvo kúmándi siltemelerge ótpeńiz jáne belgisiz faıldardy ashpaýdy, kúdikti habarlamalar boıynsha aqparatty tek resmı servıster arqyly tekserýdi, karta deregi engizilip qoısa, ony dereý buǵattaýdy usynady.