ASTANA. 20 naýryz. Iemen eliniń astanasy – Sana qalasyndaǵy meshitterde bolǵan terakt nátıjesinde 77 adam qaza tapty. Bul týraly «Argýmenty ı fakty» habarlady.
«Iemendegi eki meshitte úsh ret oryn alǵan lańkestiktiń nátıjesinde qaza tapqan qurbandar sany 77-ge deıin jetti», dep baıandady Interfax.
Birinshi lańkes ózin Sananyń ońtústigindegi Badr meshitinde jaryp jiberdi. Ekinshisi muny osy meshitke kireberiste oryndady. Al úshinshi shahıd qalanyń teristik aýdanyndaǵy Al-Hashahýsh meshitine shabýyl jasady.
Iemenniń arnaıy qyzmet oryndary bul jarylystardyń báriniń artynda «Al-Kaıda» tur dep esepteıdi. Alaıda, uıymnyń jergilikti uıasynyń lıderi muny moıyndap otyrǵan joq.
Budan buryn Iemendegi meshitterde bolǵan jarylystarda 55 adamnyń qurban bolǵany habarlanyp edi. Jergilikti jýrnalısterdiń málimetteri boıynsha, olardyń basym kópshiligi hýsıtter kórinedi. Iemende qańtar aıynan bastap azamattyq qoǵam ekige jaryldy. Sol joly shııtter astanadaǵy prezıdent saraıyn basyp alyp, memleket basshysy Abd Rabba Mansýr Hadı parlamentten ózin otstavkaǵa jiberýdi suraýǵa májbúr etken bolatyn.
Murat Aıtqoja.