UIYM KEŃISTIGINDE TARATÝ MAŃYZDY

“Nur Otan” HDP Ortalyq apparatynda partııa Tóraǵasynyń birinshi orynbasary Nurlan Nyǵmatýlın  Azııalyq saıası partııalar halyqaralyq konferensııasynyń (ASPHK) teń tóraǵasy, III Astanalyq ekonomıkalyq forýmynyń qatysýshysy Hose de Venesıamen kezdesti. Kezdesý barysynda áńgimele­sý­shiler ASPHK qyzmetiniń má­selelerin talqylady. “Nur Otan” partııasy konferensııanyń jáne onyń Turaqty komıtetiniń qura­myndaǵy belsendi músheleriniń biri bolyp tabylady. Azııalyq saıası partııalar halyqaralyq konferen­sııasy – damý yrǵaǵy onyń múshe­leri sanynyń turaqty ósýimen sı­pattalatyn Azııadaǵy iri uıymynyń biri. Qazirgi tańda uıymnyń quramyna álemniń 52 elinen 318 saıası partııa kiredi. О́tken jylǵy kúzde ASPHK Bas Assambleıasynyń besinshi otyry­synyń tóraǵasy bolyp “Nur Otan” partııasy biraýyzdan saı­lanǵan bolatyn. “Nur Otan” partııasy Tóraǵa­synyń birinshi orynbasary el Pre­zıdenti, partııa Kóshbasshysy Nur­sultan Nazarbaevtyń sara já­ne strategııalyq saıasatynyń arqa­synda Qazaqstan jyl saıyn ha­lyqaralyq alańda óz ustanymyn ba­rynsha  kúsheıtýde. EQYU tóra­ǵasy retinde Qazaqstan Qyrǵyz­stan­daǵy jaǵdaıdy turaqta­n­dy­rýǵa naqty úles qosty, dedi. О́z kezeginde  Hose de Venesıa Qa­zaqstan Prezıdentiniń bastaýy­men toleranttylyq, etnosaralyq ta­týlyq pen konfessııaaralyq ke­lisim ıdeıasyn Qazaqstanda ǵana emes, EQYU keńestiginde taratý­dyń mańyzdy rólin atap ótti.  Ho­se de Venesıanyń pikirinshe, Qazaqstan shyn máninde úlken jıyrmalyqtyń múshesi bolyp, onda Ortalyq Azııa óńiriniń kúshti áleýetin aıǵaqtaýy tıis. “Egemen-aqparat”.