QARAǴANDY. 8 mamyr. Qaraǵandy oblysy Aqtoǵaı aýdany Jámshi aýlynda Keńes Odaǵynyń Batyry Nurken Ábdirovtiń eskertkishi ashyldy. Atalǵan aýyl batyrdyń kindik qany tamqan jer ekenin aıta keteıik. Bul týraly egemen kz tilshisi habarlady.
Eskertkishtiń ornatylýyna jergilikti kásipkerler men týǵan-týysqandary bastamashy boldy. Ashylý saltanatynda aýdan ákimi Nıqanbaı Omarhanov batyr erligin este qaldyrý sharasyna ynta tanytqan el azamattaryna alǵys aıtty. Sondaı-aq, ol aldaǵy ýaqytta osy óńirden shyqqan ekinshi Keńes Odaǵynyń Batyry Qazbek Nurjanovqa da óz aýlynda eskertkish ornatylatynyn jetkizdi.
Nurken Ábdirov atyndaǵy mektep muǵalimderi men oqýshylary Jeńis kúni merekesine oraı qatysýshylarǵa arnap konsert qoıdy.
Aıqyn Nesipbaı.
Derek: egemen.kz.
Sýret: vk.com.