Qazaq tilindegi oqýlyqtardy shyǵarý máselesi otandyq bilim berý salasynyń ózekti problemalarynyń biri bolyp tabylady. Sebebi, elimizdiń joǵary oqý oryndarynda qazaq bóliminde oqıtyn stýdent-jastardyń sany 48 paıyz bolsa, olardyń qazaq tilindegi oqýlyqtarmen qamtylý deńgeıi tek 23 paıyzdy ǵana qurap otyr.
Osyǵan oraı Lev Gýmılev atyndaǵy Eýrazııa ulttyq ýnıversıtetiniń rektory B.Ábdiraıymnyń bastamasymen ýnıversıtettiń janyndaǵy baspahanadan memlekettik tildegi oqýlyqtardy shyǵarý jumysy qolǵa alyndy. Ýnıversıtet ǵylymı keńesiniń uıǵarýymen aǵymdaǵy oqý jylynyń ózinde qazaq tilinde 20-ǵa jýyq oqýlyqtar jaryqqa shyqty. 2010 jyldyń aıaǵyna deıin Eýrazııa ulttyq ýnıversıtetiniń baspasynan qazaq tilindegi taǵy 10 oqýlyqty shyǵarý josparda bar.
“Egemen-aqparat”.