Altyn – qansha ýaqyt óte de qunyn saqtap qala alatyn sanaýly aktıvterdiń biri. Bul ásirese bizdiń eldegi ınvestorlarǵa asa mańyzdy. О́ıtkeni ulttyq valıýtanyń qubylmalylyǵy qarjy naryǵyna únemi áser etip otyrady. Sondyqtan da Qarjygerler qaýymdastyǵynyń bas sarapshysy Ramazan Dosovtyń sózinshe, altynǵa ýaqytynda nazar aýdarý kerek, dep jazady Egemen.kz.
Sarapshynyń pikirinshe, altyndy tez tabys kózi retinde qarastyrý durys emes.
«Altyn portfelde, eń aldymen, saqtandyrý qyzmetin atqarady. Ásirese dál qazir, dollar 550 teńgege jaqyndap turǵan kezde, altyn joǵary tabys ákeletin qural emes, kapıtaldy qorǵaý tásili bolyp qala beredi. Ol valıýtalyq turaqsyzdyq, ınflıasııa táýekeli, geosaıası belgisizdik nemese shıkizat naryǵyndaǵy qubylmaly kezeńderde aktıvterdi qorǵaýǵa kómektesedi» deıdi R. Dosov.
Onyń aıtýynsha, altyndy portfelge qysqa merzimdi paıda úshin emes, turaqty túrde engizý qajet.
«Altyn aktıvteri portfeldiń turaqty elementi bolýy tıis. Olar qunsyzdanýǵa jol bermeıdi ári kapıtaldyń satyp alý qabiletin saqtaıdy. Tipti basqa quraldar qunyn joǵaltqan sátte de altyn teńgerimdi ustaıdy. Optımaldy úles ınvestısııa merzimine jáne táýekelge tózimdilikke baılanysty bolady» dep túıindedi sarapshy.