Qala ákimdiginiń málimetinshe, jylý birinshi kezekte áleýmettik mańyzy bar nysandarǵa – balabaqshalarǵa, mektepterge, medısınalyq mekemelerge jáne basqa da áleýmettik mekemelerge beriledi, dep habarlaıdy Egemen.kz.
Bıyl jylý júıesi 750 kópqabatty úı, 1285 jeke turǵyn úı, 210 bıýdjettik uıym jáne 1322 kommersııalyq nysandy qamtıdy.
Turǵyndarǵa páterleri men úılerindegi jylý júıeleriniń jaı-kúıin aldyn ala tekserip, aqaýlardy joıý, sondaı-aq ınjenerlik jelilerge kedergisiz kirýdi qamtamasyz etý usynylady.
Qalalyq kommýnaldyq qyzmetter qalypty rejımde jumys istep, turaqty jylýmen qamtýǵa daıyndyq jumystaryn aıaqtap qalǵan. О́ńirde jylytý maýsymy belgilengen normalarǵa sáıkes jáne aýa raıy jaǵdaılaryn eskere otyryp bastalatyny atap ótildi.