PETROPAVL. 8 mamyr. Bilim jáne ǵylym mınıstrliginiń respýblıkalyq “Daryn” ǵylymı-tájirıbelik ortalyǵynyń uıymdastyrýymen ótken “Daryndy oqýshyǵa – talantty ustaz” atty halyqaralyq pedagogıkalyq olımpıada óz máresine jetip, jeńimpazdar belgili boldy. Bul týraly oblystyq bilim basqarmasy habarlady.
Bıyldan bastap halyqaralyq mártebe alǵanbedeldi baıqaýǵa Qazaqstannyń barlyq óńirlerinen jáne Reseıdiń Qorǵan, Omby oblystarynan 270-ten astam úmitker qatysyp, júzden ozǵan júırikter 8 atalym boıynsha jeńistiń eń bıik tuǵyryna kóterildi.
Ekaterına Mıneeva /Rýdnyı/ «Jańashyl ustaz», Roza Turaeva /Astana/ «Úzdik psıholog», K. Dútbaev atyndaǵy Atyraý gýmanıtarlyq kolledji «Jas talanttar», Janar Áýbákirova /Aqmola oblysy/ «Jas psıholog», Ádiljan Bókenbaev /Qostanaı/ «О́z isiniń sheberi» atalymdaryna ıe boldy.
Jeńimpazdar men júldegerler qatarynan Jambyl, Pavlodar, Soltústik Qazaqstan oblystarynyń, Reseıdiń Omby qalasynyń olımpıadashylary da kórine bilip, ártúrli dárejedegi dıplomdarmen marapattaldy.
О́mir Esqalı.
Derek, sýret: Soltústik Qazaqstan oblystyq bilim basqarmasy.