Qostanaı oblystyq Qazaqstan halqy Assambleıasynyń XXIII sessııasy ótti. Onyń jumysyna oblys ákimi Nuraly Sádýaqasov, onyń orynbasary Murat Dáribaev, Parlament Májilisiniń depýtaty Zýhra Saıapova, etnomádenı birlestikterdiń músheleri jáne jurtshylyq ókilderi qatysty.
Sessııada Elbasy Nursultan Nazarbaevtyń Qazaqstan halqy Assambleıasynyń HHI sessııasynda bergen tapsyrmalaryn júzege asyrý jáne HHIIsessııada alǵa qoıǵan mindetteri qaraldy. Sessııa qonaǵy Zýhra Saıapova Qazaqstannyń damýyna tirek jáne serpin berer basty kúsh – halyqtyń birligi, dostyǵy ekenin atap aıtty.
Qostanaı oblysynda óńirdegi tatýlyq pen birliktiń jandanýyna úles qosyp otyrǵan 18 oblystyq jáne qalalyq, 60 aýdandyq etnomádenı birlestik jumys isteıdi. Olardyń maqsaty ultaralyq jáne konfessııaaralyq túsinistikti saqtaýǵa úles qosý bolyp tabylady. Soǵan sáıkes, oblystyq Qazaqstan halqy Assambleıasy óziniń josparyn qaltqysyz oryndap keledi.
Sessııada baıandama jasaǵan oblys ákiminiń orynbasary Murat Dáribaev óńirde túrli ult-ulystardyń, oblys óńirin jaılaǵan barsha halyqtyń tatý-tátti birligi úshin keń kólemdi jumystar júrgizilip, sharalar ótkiziletinin tilge tıek etti. Bul oraıda oblystyq Assambleıa janyndaǵy ǵylymı-saraptaý tobynyń músheleri, etnomádenı birlestikter jetekshileri aıtarlyqtaı jumys atqaryp otyr.
Sessııada oblystyq Qazaqstan halqy Assambleıasynyń músheleri bekitildi. Olardyń jumysyna Nuraly Sádýaqasov tabys tiledi. halyq dostyǵynyń, qoǵamdyq kelisim men qazaqstandyq patrıotızmniń nyǵaıýyna úles qosqandarǵa Qazaqstan halqy Assambleıasynyń «Birlik» altyn medalin», «Qazaqstan halqy Assambleıasyna – 20 jyl» mereıtoılyq medalin, oblys ákiminiń gramotasyn tabys etti. Sondaı-aq, Zýhra Saıapova laıyqtylarǵa Qazaqstan halqy Assambleıasynyń Qurmet gramotasy men Alǵys hatyn tabystady.
Názıra JÁRIMBETOVA,
«Egemen Qazaqstan».
Qostanaı.