Qaraǵandy polısııa qyzmetkerleri esirtki jáne psıhotroptyq preparattardyń iri partııasyn zańsyz tasymaldady degen kúdikpen 40 jastaǵy astanalyq turǵyndy ustady, dep habarlaıdy Egemen.kz.
Ustaý kezinde er adamnyń kóliginen 82 qaptama «Tropıkamıd», 6 qaptama «Pregabın Rıhter 30» jáne 240 qaptama «Mıdaks» tabyldy. Barlyq dári-dármek tárkilenip, saraptamaǵa jiberildi.
Esirtki jáne psıhotroptyq zattardyń zańsyz aınalymyna qatysty qylmystyq is qozǵaldy. Qazirgi ýaqytta istiń barlyq mán-jaıyn anyqtaý jáne ustalǵan azamattyń yqtımal sybaılastaryn anyqtaý boıynsha jedel-izdestirý sharalary júrgizilip jatyr.
Tergeý tárkilengen dári-dármekterdi satyp alý jáne taratý arnalaryn anyqtaýda.