Almaty qalasy jattyqtyrýshylar qaýymdastyǵynyń uıymdastyrýymen velosport áýesqoılary men ardagerleriniń dástúrli Giro d’Almaty-2025 shosselik jarysy ótip, oǵan Astana, Kókshetaý, t.b. qalalardan kelgen sportshylar da qatysty, dep jazady Egemen.kz.
Eki kezeńnen turǵan jarystyń birinshi kúni, senbide qatysýshylar Medeý aýdanyndaǵy Iаdrolyq fızıka ınstıtýtynan bastap bıik taýdaǵy «Medeý» muz aıdynynda márege jetti. Erler 63 shaqyrym, áıelder 35 shaqyrym qashyqtyqty eńserdi.
Ekinshi kúni jarys Royal Tulip Almaty qonaq úıinen bastalyp, máresi taǵy da «Medeý» sport kesheninde ótti. Taýly kezeńniń uzyndyǵy 9 shaqyrym boldy.
Giro d’Almaty-2025 jarysyna 200-den astam velosıpedshi qatysty.
Qala ákimdiginiń málimetinshe «Jeńiske degen jigeri úshin» nomınasııasymen 79 jastaǵy Jeńiskúl Ospanova marapattaldy.
Jas ereksheligi boıynsha jeńimpazdar:
18-29 jas: Islam Osmanov. 30-39 jas: Arsenıı Nıkıtın jáne Anastasııa Evtýshenko. 40-49 jas: Vadım Ejakov jáne Ekaterına Shatnaıa. 50-59 jas: Talǵat Ámirbekov jáne Ásel Sákenova. 60+: Alekseı Abramenko.Áıelder arasynda keıbir jas sanattarynda qatysýshylar bolmady.
Giro d’Almaty-2025 jarysynyń absolıýtti chempıondary – Anastasııa Volchanskaıa men Evgenıı Sladkov.