Qazaqstan Respýblıkasy Prezıdentiniń Jarlyǵy

QAZAQSTAN RESPÝBLIKASYNYŃ MEMLEKETTIK NAGRADALARYMEN NAGRADTAÝ TÝRALY Qaýly etemin: 1. Eldiń ekonomıkalyq damý­yn­­daǵy, óndiristik qyzmettegi asa úzdik jetistikteri  úshin joǵary dá­rejeli erekshelik belgisi – “Qa­zaq­stannyń Eńbek Eri” ataǵy eńbek ardageri Arǵyn JÚNISOVKE (Te­mir­­taý qalasy) berilsin. 2. Osy Jarlyq qol qoıylǵan kú­ninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2010 jylǵy  shildeniń 2-si. № 1018

QAHARMAN QURYShKER

N.Á.NAZARBAEV: …Qazaqstan Magnıtkasynyń baıyrǵy bolat balqytýshysy Siz Qazaqstan metallýrgııasynyń kózi tiri sımvoly bolyp tabylasyz, Sizdiń qajyrly eńbegińiz ben dana sózińizdiń arqasynda bútindeı bir sala kóterildi jáne osy sala mamandarynyń birneshe býyny tárbıelendi. _________________________ Sábıt BEKSEIIT, aqyn, Qazaqstan Jazýshylar odaǵynyń múshesi. Jastaıyńnan jetelep sert pen senim, Jumyspenen jankeshti erte eseıdiń. Ot perisi – Isataı qoldaǵandaı, О́mir boıy ot kósep, shoq tósendiń. Qara jumys qataıtyp qabyrǵańdy, Buǵanańdy bekitti – shamyrqandyń. Kórip óstiń aıaly alaqanyn Elaman men Altynbek aǵalardyń. Áńgimeni bastasam men áriden, Pármendi ister kútedi erden dármen. О́zi kórse tań qalyp qarar edi Marten peshtiń atasy – Per Marten. Shartarapqa tysqary dúbir ketken, Esimińdi ataıdy shyn qurmetpen. Tuńǵysh bolat balqyma shalqyp aqqan, Jańa marten peshin sen dúrildetken. Ot-jalynnyń saqyrlap lebi shapshyr, Kún tabyndaı alaýy betti shymshyr. Som bolatty sapyryp bal qaımaqtaı, El naýasyn toltyrdyń elý bir jyl. Asaý attaı bulqynǵan tylsymdy kúsh, Tilmen aıtyp jetkisiz bir qubylys. Aýyzdyqtap osynaý ǵalamatty, Arǵyn aǵa, ojaýmen quıdyń qurysh. Tabanyńnyń bilinse taıpalǵany, Taǵylymnyń boıdaǵy baıqalǵany. Arǵyn aǵa, Nar aǵa, – deıdi kishi, – Qara metallýrgııa maıtalmany. Ushtasatyn jastardyń oı-tilegi, Bolatshynyń bedeli joıqyn edi. Izbasarlar, ishinde jas Sultan bar, Saǵan qarap talpynyp boı túzedi. Tózimdilik, qaısarlyq, maqsatkerlik, Qanatymen armannyń ańsatty erlik. Jetpisińe jetkenshe qol úzbeýdi Kásibińnen súıikti – ǵajap kórdik. Basqa kásip, násipke qyzyqpadyń, Ul-qyzyńa sol jaıdy pysyqtadyń. Magnıtkadaı jyly uıa, Otty oshaqtyń, – Otbasyna tarady ystyq taby. Jıi aıtylsa has erdiń ardaq aty – Tıgendigi eline sharapaty. Túıindi sóz tobyqtaı – Saǵan laıyq Qazaqstannyń joǵary marapaty!