ASTANA. 19 aqpan. 2014 jyldyń qorytyndysy boıynsha Pavlodar oblysyndaǵy jaldamaly jumysshylar sany 331,5 myńǵa jetken. Bul týraly ranking.kz saraptamalyq resýrsyna silteme jasaǵan pavlodarnews.kz tilshisi habarlady.
Sarapshylardyń málimetinshe, óńirdegi jaldamaly jumysshylardyń qatary salystyrmaly kezeńge qaraǵanda 2 myńǵa artqan.
Saraptamalyq resýrstyń aqparatyna súıensek, oblystaǵy jaldamaly jumysshylar ekonomıkalyq turǵydaǵy belsendi turǵyndardyń 75,5 paıyzyn quraıdy.
Resmı túrde jalaqy alýshylar sany boıynsha Almaty oblysy kósh bastap tur. Bul aımaqta 648,3 myń jaldamaly qyzmetker bar. Iаǵnı, ósim 7,9 paıyzdy quraıdy. Al Pavlodar oblysynda bul kórsetkish 1 paıyz ǵana.
Turǵyndardyń jalpy sany qatarynan jumyspen qamtylǵandar boıynsha Pavlodar óńiri úzdik úshtikti tuıyqtaıdy. Qazirgi tańda oblysta jaldamaly qyzmette eńbek etetinder 43,9 paıyz bolyp otyr.
Sarapshylardyń aıtýynsha, 2014 jyldyń jeltoqsanynda jasalǵan qorytyndy boıynsha elimizdiń 6,1 mln. halqy jaldamaly qyzmetker bolyp tabylady.
Murat Aıtqoja.