Ulytaý oblysynda agrarlyq salany damytý baǵdarlamasy aıasynda 5 000 basqa arnalǵan qoı tuqymyn asyldandyrý jobasy júzege asyrylady.
Mal sharýashylyǵynda zamanaýı tehnologııalardy engizýge baǵyttalǵan jobanyń negizgi maqsaty – jaıylymdyq resýrstardy tıimdi paıdalaný, qoı basynyń genetıkalyq áleýetin jaqsartýǵa negizdelgen turaqty ári básekege qabiletti sharýashylyq modelin qurý.
Qazir 3 myńnan astam qoı satyp alynyp, aýyl sharýashylyǵy janýarlaryn sáıkestendirý jumystary júrgizilip jatyr. Veterınarlyq qaýipsizdik máselelerine erekshe kóńil bólingen. Jobany sátti júzege asyrý óńirdiń agrarlyq salasynyń damýyna eleýli úles qosyp, óndiris kólemin arttyrýǵa, otandyq qoı sharýashylyǵynyń ishki-syrtqy naryqtaǵy básekege qabilettiligin nyǵaıtýǵa múmkindik beredi.
Ulytaý oblysy