ASTANA. 24 maýsym. Nıý-Iork bıligi kisi óltirdi degen aıyppen sottalyp, 25 jyl túrmede otyrǵannan keıin aqtalǵan azamatqa 6,25 mln dollar tóleıtin boldy. Bul týraly «QazAqparat» habarlady.
Djonatan Flemıngtiń aıǵaqty dálelin prokýrorlar moıyndaǵannan keıin ony ótken jyly túrmeden bosatqan.
Nıý-Iork qazynashysy Skott Sınger: «Biz árıne, qapasta otyrǵan jyldaryn qaıtaryp bere almaımyz. Tek Nıý-Iork oǵan qatysty jasaǵan ádiletsizdigi úshin ótemaqy usyna alady», – dedi.
Osydan týra 25 jyl buryn Djonatan kisi ólimine kúdikti retinde qamaýǵa alynyp, sot úkimimen ol bas bostandyǵynan aırylǵan bolatyn. Sol ýaqytta prokýrorlar kúdiktiniń qylmysqa qatysy joq aıǵaq zatyn jasyryp qalǵan.
Aıta keteıik, Djonatan Flemıngte naqty aıǵaq – Nıý-Iorktegi oryn alǵan kisi ólimine deıin bes saǵat buryn tólengen Florıda qonaqúıiniń chegi bolǵan.
Talǵat Raıymbek.
Derek, sýret: «QazAqparat».