ALMATY. Almaty qalasynyń polıseıleri esirtki saýdasymen aınalysqan áıeldiń qylmysyn áshkereledi. Bul týraly qalalyq ishki ister departamentiniń baspasóz qyzmeti habarlady.
Kúdiktini qolǵa túsirý barysynda tártip saqshylary onyń zańsyz jolmen tapqan úsh mıllıon teńgesin tárkiledi.
Habarlamada 47 jastaǵy azamatsha asa iri kólemde esirtki zatyn saqtap, satýmen aınalysyp kelgeni aıtylǵan. Polıseıler kúdiktiniń úıinen eki tirkelmegen travmatıkalyq tapansha, 45 patron, úsh velosıped, planshet, noýtbýk, alty altyn buıymdaryn jáne aqshalaı 2 mln. 751 myń teńge tárkiledi.
Talǵat Raıymbek.
Derek: qalalyq ishki ister departamentiniń baspasóz qyzmeti.
Sýret: kaz.gazeta.kz.