Smartfon satyp alý kezinde kópshilik nazar aýdara bermeıtin, biraq asa mańyzdy bir jaıt bar, ol – qurylǵynyń IMEI nómirin tekserý. Jasandy ıntellekt jáne sıfrlyq damý mınıstrligi azamattarǵa qurylǵynyń verıfıkasııa mártebesin kz-imei.kz resmı saıty nemese «eGov Mobile» mobıldi qosymshasy arqyly tekserýdi usynady.
Bul tekseris sizdiń smartfonyńyzdyń zańdy ákelingenin, uıaly baılanys operatorlarynyń jelisinde kedergisiz jumys isteıtinin jáne «qara tizimge» engizilmegenin rastaýǵa kómektesedi. IMEI nómiri tirkelmegen nemese kúmándi jolmen ákelingen qurylǵylar kóp jaǵdaıda baılanys jelisine qosylmaı qalady.
Sondaı-aq IMEI nómirin *#06# kombınasııasyn terý arqyly da bilýge bolady. Eger qurylǵy tirkelmegen bolsa, ol birneshe apta ishinde jeliden ajyratylady.
Qazir elimizde 30 mıllıonnan astam mobıldi qurylǵy tirkelgen. Tekserý nebári birneshe sekýnd ýaqyt alady.