PETROPAVL. 24 maýsym. Qazaqstan jýrnalıster odaǵynyń jergilikti fılıaly BAQ qyzmetkerleri merekesi qarsańynda aýdandyq, oblystyq, respýblıkalyq qalam ıeleri arasynda sporttyń fýtbol, shahmat, ústel tennısi, jeńil atletıka, voleıbol, darts jáne toǵyzqumalaq túrlerinen spartakıada uıymdastyrdy. Bul týraly egemen tilshisi habarlady.
Aqqaıyń aýdanynyń «Oqjetpes» lagerinde ótken sharada oblystyq ishki saıasat basqarmasynyń basshysy Janat Sádýaqasov, oblystyq «Soltústik Qazaqstan» gazetiniń bas redaktory Jarasbaı Súleımenov, aýdan ákimi Dáýren Baıtóleshev sóz sóılep, jyly tilekterin arnady.
Quramynda 160 jýrnalıst bar 10 komanda birinshi kúni fýtbol, shahmat, ústel tennısi jáne jeńil atletıkadan básekelesti. Ekinshi kúni voleıbol, darts, toǵyzqumalaq boıynsha júldeler sarapqa salyndy.
Jalpykomandalyq esepte eń kóp upaı jınaǵan «Pervyı severnyı» telekanaly birinshi oryndy ıelendi. Ekinshi orynǵa aýdandyq gazetterdiń, úshinshi orynǵa menshikti tilshilerdiń komandalary jaıǵasty.
Spartakıadanyń ótýine «Qyzyljar sý», «Shaǵala-Agro», «Aks», «Neptýn» sekildi fırmalar men seriktestikter muryndyq bolyp, demeýshilik kórsetti.
О́mir Esqalı.
Derek, sýret: egemen.kz