2026 jyldan bastap QQS mólsherlemesiniń 12%-dan 16%-ǵa ósýi memlekettik qurylys jobalaryn zalaldy etýi múmkin. Bıznes bul máseleni sheshý úshin Úkimetten naqty mehanızm surap otyr, dep jazady Egemen.kz.
«Atameken» UKP alańynda ótken jıynda qurylys kompanııalary barlyq jobalar 12% QQS mólsherlemesimen kelisilgenin, al jańa 16% mólsherleme materıaldar men jumystyń ózindik qunyn kúrt kóteretinin aıtty.
Qurylys salasynyń tabystylyq deńgeıi shamamen 8%. Sarapshylardyń aıtýynsha, QQS-tyń 4% ósimi osy marjany tolyq joıyp, jobalardy shyǵynǵa ákeledi.
Bıznes ókilderi 2026 jylǵa ótetin memlekettik jobalardy qaıta esepteý tetigin tez arada bekitýdi surady. UKP komıtetiniń ókilderi jalǵyz durys ádis – tapsyrys berýshimen qosymsha kelisim jasap, qalǵan jumys kólemine 4% ústeme qosý ekenin jetkizdi.
Qarjy mınıstrligi QQS-tyń 16% mólsherlemesi 2026 jyldan bastap barlyq satylymdarǵa qoldanylatynyn rastady. Qurylys isteri komıteti salyq ózgerse, jobanyń qunyn ulǵaıtýǵa múmkindik beretin norma bar ekenin aıtty. Biraq qurylysshylar jergilikti organdar bul tetikti is júzinde paıdalanbaıtynyn jetkizdi.
Turǵyn úıge qatysty QQS máselesi de talqylandy. 2026 jyldan bastap turǵyn úı satý QQS-tan bosatylmaıdy. Biraq 2026 jylǵa deıin bastalǵan nemese paıdalanýǵa berilgen nysandarǵa salyq salynbaıdy.
Sala ókilderi jańa mólsherlemege kóshý tártibin túsindiretin biryńǵaı resmı qujat qajet ekenin atap ótti. Onsyz kelisimsharttardyń buzylýy, aıyppuldar jáne sot daýlary kóbeıedi.