QOSTANAI. 23 maýsym. Qostanaıǵa Qytaı Halyq Respýblıkasynyń belgili ınvestısııalyq Zhongfu Investment Group Limited Company kompanııasynyń jáne Almatydaǵy «Kaz Grain Food Almaty» jaýapkershiligi shekteýli seriktestiginiń ókilderi keldi. Olar oblys ákimi Nuraly Sádýaqasovpen kezdesti. Bul týraly oblys ákimi baspasóz qyzmetiniń habaryna súıene otyryp, egemen.kz tilshisi habarlady.
Kezdesýde qytaılyq Zhongfu Investment Group Limited Company kompanııasynyń basqarma tóraǵasy Lı Chıfeng, Jiaxin International Resources Investment Limited (Hong Kong)Lıý Lıchıan, «Kaz Grain Food Almaty» JShS dırektorlar keńesniń tóraǵasy Baýyrjan Baımuhamedov jáne Qostanaı oblysy ákiminiń orynbasary Sergeı Karplıýk, aýylsharýashylyǵy basqarmasynyń basshysy Baıbosyn Mýrzın, ekonomıka jáne bıýdjetti josparlaý basqarmasynyń asshysy Erlan Spanov boldy.
Taraptar yntymaqtasýdyń, aýyl sharýashylyǵyna qytaı ınvestorlary qarjysyn salýdyń jáne maıly zyǵyr ósiretin jáne ony tereń óńdeıtin joǵary deńgeıde biriktirilgen kompanııa qurýdyń eki jaqqa da tıimdiligin talqylady. Aldyn ala shamalanǵan ınvestısııa kólemi 500 mıllıon dollar bolady.
Nuraly Sádýaqasov Qostanaı oblysy sońǵy jyldary óz óndirisiniń kúshimen ósimdik maıynyń tapshylyǵyn jeńdi, onyń 30 paıyzy eksporttaatynyn aıtty. Sonymen qatar aldaǵy ýaqytta da maıly daqyldar alqabyn keńeıtip, onyń ónimin óńdeýge oblys áleýeti jetedi. Bıyl maıly daqyldar alqaby 360 myń gektardy qurady, bul barlyq sebilgen dándi daqyldardyń 80 paıyzyn quraıdy.
Lı Chıfeng: «Biz aýyl sharýashylyǵy salasynda yntymaqtastyq ornatýy maqsat tutyp otyrmyz. Qytaıdaǵy maı óndirisi – 80 paıyz ımport resýrstan turady. Úkimettiń kúsh salýyna qaramastan elde 20 paıyz azyq-túliktik ósimdik maıy jetispeıdi. Biz Qostanaı oblysy bul baǵytta ınvestısııa salýǵa qolaıly óńir dep bilemiz», dedi.
Qonaqtar Qytaı úkimetiniń qaýly shyǵaryp, qorǵa Qazaqstan kásiporyndarymen yntymaqtasýǵa ruqsat bergen, sóıtip Qazaqstanda aýylsharýashylyǵyn damytýǵa 1,6 mıllıard dollar kóleminde qarjy bólipti.
Zhongfu Investment Group Limited Company qorynyń usynysymen Qostanaı oblysynda zyǵyr ósiretin, óńdeıtin jáne tuqym daıyndaýmen aınalysatyn kásiporyndar qurylatyn bolady. Jumys oryndaryna jergilikti kadrlar alynatyn bolady. Kezdesýde Qostanaı oblysy ákimıaty men Zhongfu Investment Group Limited Company qory arasynda Yntymaqtastyq týraly memorandýmǵa qol qoıyldy. Oblys ákimi Nuraly Sádýaqasov: «Biz yntymaqtasyp jumys isteýge daıynbyz. Bizdiń oblysta bizdiń mamandarmen jumys isteıtin jumys tobyn qurý kerek dep oılaımyn. Jyl saıyn qansha ınvestısııa salyndy, óndiris kólemi qandaı bolýy kerektigin anyqtaıtyn arnaıy baǵdarlama jasalýy tıis» dedi.
Názıra Járimbeova.
Derek, sýret: egemen.kz