ASTANA. 24 maýsym. Oblys ákiminiń 2015 jylǵy 24 maýsymdaǵy ókimimen Jahanov Bahyt Dúısenuly Qazaly aýdanynyń ákimi qyzmetinen bosatylyp, Qyzylorda oblysynyń aýyl sharýashylyǵy basqarmasynyń basshysy laýazymyna taǵaıyndaldy. Bul týraly oblys ákimdiginiń baspasóz qyzmeti habarlady.
Oblys ákimi Qyrymbek Kósherbaev jańa qyzmetke taǵaıyndalǵan basshyǵa aýylsharýashylyq salasy boıynsha úlken jaýapkershilik júktelgenin aıtty. О́z sózinde aımaq basshysy: «Sońǵy 2 jylda aýyl sharýashylyq salasyna bólingen qarjy 7 esege ósti. Bul saladaǵy memlekettik baǵdarlamalardy júzege asyrýda qyrýar jumys bar. Sondyqtan Prezıdent ákimshiliginiń kelisimimen jaýapty qyzmetti Bahyt Dúısenulyna tapsyryp otyrmyz. Jumysyna sáttilik tileımiz», – dedi.
Jahanov Bahyt Dúısenuly 1974 jyly Qyzylorda qalasynda dúnıege kelgen. 1992 jyly Y. Jahaev atyndaǵy polıtehnıkalyq ınstıtýtynda ekonomıst-menedjer mamandyǵy boıynsha bilim alǵan.
Eńbek jolyn 1996 jyly Qyzylorda oblysynyń aýyl sharýashylyǵy departamentiniń jetekshi mamany bolyp bastaǵan. 2008-2011 jyldary Qyzylorda oblysynyń aýyl sharýashylyǵy, sondaı-aq, tabıǵı resýrstar jáne tabıǵat paıdalanýdy retteý basqarmalaryn basqarǵan. 2011-2013 jyldary Qyzylorda oblysy ákiminiń orynbasary qyzmetin atqarǵan. 2013 jyldyń aqpan aıynan osy kezge deıin Qazaly aýdanynyń ákimi laýazymynda qyzmet atqaryp keldi.
Talǵat Raıymbek.
Derek, sýret: oblys ákimdiginiń baspasóz qyzmeti.