Bıylǵy 1 qarashadaǵy jaǵdaı boıynsha ataýly áleýmettik kómek (AÁK) 53 myń otbasyndaǵy 285,1 myń adamǵa 27,1 mlrd teńge somasynda taǵaıyndalyp, bul maqsattarǵa bıýdjetten 98,4 mlrd teńge qarastyrylǵan, dep habarlaıdy Egemen.kz.
Eńbek jáne halyqty áleýmettik qorǵaý mınıstrliginen buryn habarlanǵandaı, AÁK mynalardy kózdeıdi:
- tabysy kedeılik sheginen aspaıtyn azamattarǵa toqsan saıyn áleýmettik kómek taǵaıyndaý;
- tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherinde aı saıynǵy qosymsha tólem berý. Aǵymdaǵy jyldyń 1 qarashasyna AÁK alýshylar qatarynan mektep jasyna deıingi 88,8 myń balaǵa 3,4 mlrd teńge somasyna qosymsha tólem taǵaıyndaldy;
- jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) jáne basqalar arqyly jumyspen qamtýǵa járdemdesý.
El turǵyndary AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimine sondaı-aq Elektrondyq úkimet portaly (egov.kz) arqyly bere alady.