Petropavl qalasynda qurǵaq kóbik-beton qospalary zaýytynyń birinshi kezegi iske qosylyp, jumys isteı bastady. Bir gektardaı aýmaqty alyp jatqan kásiporyn údemeli ındýstrııalyq-ınnovasııalyq joba sheńberinde júzege asty. Ázirshe Qazaqstanda teńdesi joq tehnologııamen jumys isteıtin qýatty óndiris orny turǵyn úı qurylysy salasyna sapaly ónimder shyǵarýdy mejelep otyr. Atap aıtqanda, munda D-200, D-300, D-500 markaly qurǵaq kóbik-beton qospalary men M-600 markaly sement jasalady. Kásiporyn tolyq qýatynda jumys istegen jaǵdaıda ónimniń jyldyq mólsherin 50 myń tonnaǵa deıin jetkizý belgilengen. Qazir kúnine 30 tonna ónim óndiriledi. 40-qa tarta adam turaqty jumyspen qamtylyp, jol qurylysy úshin beton qospa jasaýmen aınalysýda.
Zaýytty salýǵa quryltaıshylar 146 mıllıon, “Tobyl” ÁKK 36 mıllıon teńge jumsady.
О́mir ESQALI, Soltústik Qazaqstan oblysy.