Jýyrda Senattyń Áleýmettik-mádenı damý komıtetiniń tóraǵasy Aqan Bıjanovtyń Reseı Federasııasy Federaldy Jınalysy Federasııa Keńesiniń depýtattary Vıktor Glýhıh pen Vladımır Lıtıýshkınmen kezdesýinde parlamentaralyq yntymaqtastyqty odan ári nyǵaıtý máseleleri sóz boldy.
Kezdesý barysynda eki memlekettiń zań shyǵarý organdarynyń joǵarǵy palatalary arasyndaǵy ózara is-qımyldyń joǵary deńgeıi atap ótile kelip, parlamentaralyq baılanystardy odan ári tereńdetý qajettigi jóninde áńgime qozǵaldy.
Komıtet basshysynyń aıtýynsha, Senat pen Federasııa Keńesi arasynda dostyq jáne iskerlik turǵysyndaǵy qarym-qatynastar qalyptasty. Parlamentaralyq yntymaqtastyq toptary belsendi jumys istep keledi. A.Bıjanov Federasııa Keńesi múshelerin Keden odaǵy jónindegi zańnamalyq bazany qalyptastyrý jónindegi jumystar týraly da habardar etti.
V.Glýhıhtiń pikirinshe, ekijaqty qatynastarda parlamenttik mazmun mańyzdy baǵyt bolyp tabylady. “Zańnamalardy nyǵaıtý jónindegi birlesken jumystar Qazaqstan-Reseı yntymaqtastyǵynyń áleýetin júzege asyrýda zor mańyzy bar”, – dep atap ótti reseılik depýtat.