Jazýshy Qaısar Álimniń «Mirjaqyp Dýlatuly» ǵumyrnamalyq kitaby Londonnyń «Crab Publising» baspasynan Qostanaı oblysynyń ákimi Qumar Aqsaqalovtyń qoldaýymen aǵylshyn tilinde jaryq kórdi. Qazaq tilinen aýdarǵan – Baqtygúl Mahanbetova.
Aldymen bul kitap Mirjaqyp Dýlatulynyń 140 jyldyǵy aıasynda oblys ákiminiń demeýshiligimen Astanadaǵy «Folıant» baspasynan 1000 danamen, Qaraǵandynyń «Nvprınt» JShS baspahanasynan 300 danamen jaryq kórgen edi. Sondaı-aq Qostanaıdyń «Izdatelskıı dom» JShS baspahanasynan sývenırlik-syı úlgisinde bylǵary tyspen 72h104 1/8 qalyp-pen, kólemdi etip 20 danasy shyǵarylǵan bolatyn.
Oqyrmandardyń ystyq yqylasyna bólengen bul kitaptyń Ystanbuldaǵy «Kamus» baspasynan (dırektory Aıdemır Kúltegin) aýdarmashy Ashýr О́zdemırdiń tárjimesimen túrik tilinde (demeýshisi – Parlament Májilisiniń depýtaty Berik Beı-senǵalıev) jaryq kórgenin aıta ketý lázim.