Ishki ister mınıstrligi 2024 jyldyń maýsym aıynda máıiti Germanııada tabylǵan sýdıa Aıgúl Saılybaevaǵa qatysty istiń kúdiktileri – onyń kúıeýi men enesine izdeý jarııalady, dep habarlaıdy Egemen.kz.
Quqyqtyq statıstıka jáne arnaıy esepke alý organdarynyń portalynda 2024 jyly Germanııada qastandyqpen óltirilgen sýdıa Aıgúl Saılybaevanyń kúıeýi men enesine qatysty izdestirý habarlamalary jarııalandy.
Izdeý jumystarynyń bastamashysy – Ishki ister mınıstrligi. Isti Jetisý oblysy, Taldyqorǵan qalasynyń polısııa qyzmetkerleri júrgizip jatyr. Izdestirýge marqumnyń kúıeýi Aleksandr Donsov jáne onyń anasy, Saılybaevanyń enesi Natalıa Donsova jarııalanǵan.
Eske salaıyq, 2024 jylǵy 7 maýsymda Aıgúl Saılybaevanyń baýyry Qanat Saılybaev Germanııadaǵy qaryndasynyń joǵalyp ketkenin habarlaǵan edi. Aıta keteıik, Aıgúl Saılybaeva – Astana qalasyndaǵy Saryarqa aýdandyq sotynyń burynǵy sýdıasy jáne «Bolashaq» baǵdarlamasynyń túlegi.
Keıin Syrtqy ister mınıstrligi jergilikti polısııaǵa dereý habar berip, izdestirý jumystary bastalǵanyn málimdedi. Al 16 maýsymda joǵalǵan qazaqstan azamatynyń máıiti tabyldy.
Al qarasha aıynda Qazaqstanda sýdıanyń ólimine qatysty qylmystyq is qozǵalǵany belgili boldy.
Aıgúl Saılybaevanyń aǵasy Qanat Saılybaevtyń aıtýynsha, qaryndasy 3 maýsymnan beri baılanysqa shyqpaǵan. Sonymen qatar Aıgúl Saılybaevanyń qurbysy men sińlisi onyń kúıeýi men enesi tarapynan qysym kórgenin, sondaı-aq kishkentaı qyzyn alyp qoımaq bolǵanyn aıtqan edi.