Batys Qazaqstan oblysynda aýa raıynyń qolaısyzdyǵynan úsh adamdy úsik shalyp, kóz jumdy. Túrli aýdannyń turǵyndary iz-túzsiz joǵalyp ketken, dep habarlaıdy Egemen.kz «Moı gorod»-qa silteme jasap.
Batys Qazaqstan oblysy Polısııa departamentiniń baspasóz qyzmetiniń málimetinshe, 15 jeltoqsanda aýa raıynyń qolaısyzdyǵynan joǵalyp ketken úsh adamnyń máıiti tabyldy. Olar – Jánibek aýdanynyń 57 jastaǵy turǵyny, Bókeıorda aýdanynyń 25 jastaǵy turǵyny jáne Kaztalov aýdanynyń 35 jastaǵy turǵyny. Barlyǵy úsik shalyp, kóz jumǵan.
Aqjaıyq aýdanynyń taǵy bir 54 jastaǵy turǵyny aman-esen tabyldy, biraq aıaq-qoldary úsip qalǵan. Ol Oralǵa jetkizildi.
Sonymen qatar Jánibek aýdanynyń 59 jastaǵy turǵyny da joǵalyp ketken. Ol 13 jeltoqsanda saǵat 21:00 shamasynda Buqar qystaǵynan shyǵyp ketken.
Ony qutqarýshylar, áskerı qyzmetkerler, polısııa qyzmetkerleri jáne jergilikti ákimdik qyzmetkerleri izdestirip jatyr.